Zoom бағдарламасы арқылы «Заманауи мектеп жағдайында сынып жетекшісінің кәсіби құзыреттілігі» атты онлайн-семинар өтті. Семинарға 42 директордың тәрбие ісі жөніндегі орынбасары және 42 сынып жетекшілердің әдістемелік бірлестігінің жетекшісі қатысты. Мақсаты-тәрбие жұмысын ұйымдастырудың түрлері мен әдістерін жетілдіруде ақпараттық-әдістемелік көмек көрсету.

Вебинардың модераторы Павлодар қаласы білім беру бөлімінің әдіскері М. К. Қасенуалиева сөз сөйледі, ол семинарға қатысушылармен педагогикалық процесті ұйымдастыру, келесі оқу жылына нормативтік-әдістемелік сүйемелдеуді қамтамасыз ету және жұмысты жоспарлау мәселелерін талқылады.Онлайн-семинар жұмысына Назарбаев Зияткерлік мектебі директорының орынбасары Көпеев Арслан Жатілекұлы қатысты. Ол семинарға қатысушылармен «Шаңырақ» мектеп қауымдастығын құру ерекшеліктері туралы мәселемен бөлісті, Зияткерлік мектеп кураторларының жұмысын ұйымдастыру тәсілдері туралы әңгімеледі.Павлодар қаласының «Рухани жаңғыру» қалалық жобалау кеңсесінің координаторы Такибаева Әсия Сағдатқызы өз сөзінде «Рухани жаңғыру» бағдарламасын жүзеге асыру бойынша ұсыныстар берді және мектептерде «Жас блогер» клубтарын ашу туралы ұсыныс енгізді. «Жас блоггер» клубы - бұл 8-15 жастағы балаларға арналған жаңа дамыту жобасы. Бұл жағдайда оқушылар сынып, мектеп үшін сыныптан тыс іс-шаралардың онлайн-күнделігін қашықтықтан жүргізе алады. Киргеева Гұлнара Қабылқызы (№14 мектеп) «Қашықтықтан білім беру жағдайында құқық бұзушылықтың алдын алу» тақырыбында өз сөзінде карантин кезеңінде кәмелетке толмағандар арасындағы құқық бұзушылықтың алдын алуға бағытталған қашықтықтан оқыту форматында профилактикалық жұмысты ұйымдастыру бойынша, өзін-өзі оқшаулау, ұзартылған демалыс кезеңінде отбасылық - тұрмыстық қарым-қатынаста психологиялық факторлардың әсерін күшейтуді есепке ала отырып, жұмыс тәжірибесімен бөлісті.Шуақбаева Жанар Ниязбекқызы (№21 мектеп) «Қашықтықтан оқыту жағдайында сынып сағаттарын өткізу ерекшеліктері» тақырыбында баяндама жасап, сыныптан тыс іс-шараны дайындау алгоритмін және қашықтықтан оқыту жағдайында сынып іс-шарасын талдау схемасын ұсынды. Нұрекенова Зейнегүл Қалымтайқызы (№16 лицей-мектебі) «Қашықтықтан оқыту жағдайында әлеуметтік желілердегі жұмыс» тақырыбында баяндама жасады.

Қазіргі уақытта қаланың барлық білім беру мекемелері оқу-тәрбие үрдісінде әлеуметтік желілердің ресурстарын белсенді пайдаланады, бұл ақпарат алмасуға ықпал етеді, оқушылардың оқу іс-әрекетінде уәждемесін арттырады, шығармашылық қабілеттерін және танымдық қызығушылықтарын дамытуды ынталандырады.

Бағдәулет НҰРМАТ

Білім басқармасының баспасөз хатшысы