Аспанда нұрын шашып тұрған күн , көз жетпес құпия мен қазынаға толы сары дала , сансыз байлықтың барлығы тәуелсіз ел болмасаң бекер сынды көрінеді маған. Тәуелсіздік – тәтті сөз ғана емес , ұлттық жауапкершілік . Сонау ата – бабамыздан бізге аманат етіп қалған ең үлкен байлығымыз . Баға жетпес мұрамыз . Ал , осы қазынамыздың қадірін қазіргі ұрпақ мына біздер қаншалықты біліп жүрміз деген сұрақ туындайды . Халық арасында «бағалай білмегенге бақ , аялай білмеген жанға құт қонбайды » - деген сөз бар . Шынында да тырбанып жеткен тәуелсіздігімізді бағалай білмесек , ұлтымызға деген адалдығымыз болмаса мұндай құтты байлықтан айырылып қалуымыз мүмкін . Еліміз қалай болғанда да сан ғасырлық қиын қыстау жолдан, тар жол тайғақ кешуден өтіп, тәуелсіз елдер қауымдастығына қосылды. Отанымыз, Қазақстан, туралы айтарымыз да, мақтанарымыз да көп. Тәуелсіздік – ең алдымен Қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін Тәуелсіздік күні - ең қастерлі күн. Еліміз тәуелсіздігін жариялап, дербес мемлекет ретінде әлемге танылды. Елбасының «Қазақстанның тәуелсіздігі қазақтарға тартқан тағдырдың сыйы емес, өзінің ежелгі жерінде қилы кезеңді бастан кешу арқылы қол жеткен өз мемлекеттілігін құруға деген заңды, бұл даусыз фактіге ешкім күмән келтірмеуі тиіс»,- деп атап көрсетуіне үлкен мағына жатыр. Өз басым мемлекетіміздің тәуелсіздігі – халқымыздың бақыты. Алғашқы жылдарда басым мақсаттардың егемендікті нығайту, ұлттық қауіпсіздікті қамтамасыз ету. Сондықтан бүгінгі күні халқымыз өткеннен қалған тарихи өнегені, отансүйгіштікті, ұлтына деген махаббатты жоғалтпай, әрі қарай жастардың патриоттық сезіміне енгізуге ерекше көңіл бөлу керек.Тәуелсіздік - ұлттық тілдің, дәстүрдің, салт-сананың мызғымас тірегі, күші, алтын діңгегі, халықтың бақ жұлдызы. Тәуелсіздік - арман! Жер бетінде қанша ұлт болса, сонша арман бар. Сол арманға біздің қазақ халқы жетті. Тар жол тайғақ кешумен , талай боздақтардың қанымен келген – ТӘУЕЛСІЗДІК дейтін ұғымның мағынасы тым тереңде жатыр . Тәуелсіздік жолында қазақтың талай ұлтжанды азаматтары қыршынынан қиылды. Жазықсыз өмірден ерте озды. Олар халқына қуаныш сыйлады, бірақ сол қуаныштың дәмін өздері тата алмады. Олар – қазақтың маңдайына біткен жарық жұлдыздары. Тәуелсіздік үшін күрескен батырлар - қазақ елін лаулаған оттан да, тар қапастан да алып шыққан азаматтар. Қазақ елін арқасына байлап, шыңға өрмелеп, елді сол шыңға жеткізіп, өздері құздан құлаған хас батырлар. Олар өзім деп қара басын ойлаған емес. Олардың бар мақсаты тәуелсіздік болды емес пе? Ғалымның хаты, жақсының аты ұмытылмақ емес. Олардың бізге салып берген сара жолы, бүгінде бізге дара жол.

Жаймуханова Ақмарал

АтМу, 2 курс студенті