- «Атам»,- дедің ол кім? –

Деп сұрады Толқын.

-Ол– әкемнің әкесі.

-«Әжем»,- дедің ол кім

-Ол –әкемнің шешесі,

-Басқа тағы кімің бар?

-Апам, әкем, інім бар,

Қарындасым төрттегі.

-Жақсы екен.

Жаңа сен

«Нағашы атам»,- дедің ол кім? –

Деп жалғады Толқын.

-Ол – шешемнің әкесі.

-«Нағашы апам»,- дедің ол кім?

-Ол –шешемнің шешесі,

- «Нағашы» деп атайсың

Айтшы тағы кімдерді?

-«Нағашы аға», «нағашы тәте» деп

Ес білгелі

Атап келем нағашымның

Ұл- қызын.

-Ал жаңа туған Жұлдызды?

-Нағашы қарындасым ол менің.

-Ал тәтемнің Көркемі?

-Нағашы жиенім ол менің.

-Дұрыс,- деді Толқын,-

Дұрыс деді жауабың.

-Атаң менен әжеңе

Кім боласың ал өзің?

-Немересі боламын.

-Нағашы атаң- әжеңе,

Ағаң менен тәтеңе?

-Жиенімін олардың.

Қалды Толқын разы боп,

Жауабына Омардың.

Сүлеймен Баязитов