29 Наурыз, Жұма

Әдебиет

Мәшһүр Жүсіп Көпейұлы

Мәшһүр-Жүсіп Көпейұлы (1858—1931) — ұлы ойшыл, фольклор танушы, этнограф, тарихшы, қазақ мәдениеті мен әдебиетінің белгілі тұлғасы.

Бір кедейдің сараңдығы






Бір кедей қазақтың, Жансары, өзінде ұл жоқ. Жалғыз қызын Қозғанға ұзатқан. Жалғыз қызы төркіндеп келіпті. Сонда қызына мал бермей-беріп қайтарған сөзі:

— Бір сиырым алабас, айдауыңа жарамас. Бір сиырым қашқан жоқ, сен түгіл бұқа етегін ашқан жоқ. Біреуі қашып кеткен қашар, айдауыңа нашар. Бірді-екілі тайынша, о да айдау, байлау көрмей жүргендігін жақсы көреді жайынша! — деп, қызын құр қайтарыпты.

Ақырында: «Өлер шағым болды, баламды көремін!» — деп, шақырып алып, бір бұзау-тайынша беріп қайтарыпты.

Қазақта да мұндай мырза жан болады екен.