Ақтөбе қаласы
Ғ.Ақтаев атындағы № 6 орта мектебінің
9 «Ә» класс оқушысы Серікбай Нұрым
Жетекшісі Жақанова Нұрзия



Айналамыздағы таңғажайып көріністерге кей кезде қарап тамсанамын. Бізді қоршап тұрған жасыл желектен өзге сан түрлі тылсым дүниелер қызықтырады. Әрбір адам бойына қуат береді. Ол сұлулық пен әсемдікті шашатын ғажайып құбылыс. Ырыс пен қазынаның қайнар көзі болғандықтан, халқымыз «Табиғат – адамзаттың өмір нәрі, қажетінің табылар содан бәрі»- деп бекер айтпаған.

Табиғатта болып жатқан сан түрлі құбылыстарды біз өзімізбен байланыстырамыз. Оның таза ауасын рахаттана жұтамыз. Мұның өзі адам баласының табиғатпен тығыз байланыста екендігін білдіріп тұр емес пе? «Табиғат – тал бесігім» деп айтқандай, ғажайып жаратылысының мына жарық әлемге өз нұрын шашады. Мөлдір таза тұнық бұлақтардың сыбдырын, құстардың әсем үнін, әлемнің нұр сыйлаған жарық күнін естіп – көріп жатамыз. Тылсым табиғаттың құпия сырларына үңіле түссек, өміріміз шаттыққа тола бермек. Табиғаттың адамға берер пайдасы мол және жер анамызға табынамыз.

Табиғатымызды одан әрі көркейту, жайқалту бәріміздің қолымыздан келеді. Сондықтан бәріміздің міндетіміз – табиғатты қорғау, аялау.